لاہور، صدر مسلم لیگ ن میاں نواز شریف کا آئندہ چند روز میں لندن جانے کا امکان ہے۔
ذرائع کا کہنا ہے کہ صدر مسلم لیگ (ن) محمد نواز شریف لندن میں 2 ہفتے قیام کریں گے جبکہ میاں نواز شریف کے ساتھ وزیراعلیٰ پنجاب مریم نواز شریف کا بھی ساتھ جانے کا امکان ہے۔
یاد رہے چند روز پہلے نواز شریف کو لندن جانے کی خبروں پر اپوزیشن جماعتوں کی جانب سے کافی تنقید کا نشانہ بنایا گیا تھا۔
دوسری جانب وزیراعظم پاکستان شہباز شریف وفد کے ساتھ نیویارک پہنچے ہیں جس میں وزیر دفاع خواجہ آصف، وزیر اطلاعات و نشریات عطاء اللہ تارڑ، خالد مقبول صدیقی اور معاون خصوصی طارق فاطمی شامل ہیں۔
اقوام متحدہ کے سیکرٹری جنرل انتونیو گوتریس کی جانب سے رکن ممالک کے سربراہان کیلئے استقبالیہ رکھا گیا ہے جس میں آج وزیراعظم شہباز شریف شرکت کریں گے۔
وزیراعظم پاکستان شہباز شریف کی مختلف ممالک کے سربراہان کیساتھ غیر رسمی ملاقات ہوگی جبکہ شہباز شریف اقوام متحدہ جنرل اسمبلی کے اجلاس 2024 کی افتتاحی تقریب میں شرکت کریں گے۔
علاوہ ازیں وزیراعظم پاکستان شہباز شریف کی مالدیپ کے صدر محمد معیز چین سے ملاقات ہوگی۔