وزیر اعلیٰ پنجاب مریم نواز کے کرائم فری پنجاب کے ویژن کے مطابق گجرات پولیس کا جرائم پیشہ عناصر کے خلاف کارروائیوں کا سلسلہ جاری ہے۔
کھاریاں، وزیر اعلیٰ پنجاب مریم نواز کے کرائم فری پنجاب کے ویژن کے مطابق گجرات پولیس کا جرائم پیشہ عناصر کے خلاف گرینڈ آپریشن،
کھاریاں سے ڈکیت گینگ گرفتار، 1 کروڑ سے زائد نقدی اور مال مسروقہ برآمد کر لیا۔
تفصیلات کے مطابق ڈی پی او گجرات مستنصر عطاء باجوہ کی زیر قیادت اور ڈی ایس پی سرکل کھاریاں ملک عرفان صفدر کی زیر نگرانی ایس ایچ او تھانہ صدر کھاریاں انسپکٹر لیاقت حسین نے اپنی پولیس ٹیم کے ہمراہ چوری اور ڈکیتی کی وارداتوں میں ملوث 2 ملزمان کو نہایت جانفشانی اور جدید ٹیکنالوجی استعمال کرتے ہوئے گرفتار کر لیا۔
ملزمان کی شناخت سیلمان سعید ولد سعید احمد سکنہ کریم پورہ جہلم اور ننھیل مسیح ولد شریف مسیح سکنہ جہلم کے نام سے ہوئی ہے۔
گرفتار ملزمان کے قبضہ سے 3 عدد موٹر سائیکل cc125 مالیتی 5 لاکھ روپے اور نقدی مالیتی 1 کروڑ 10 لاکھ روپے برآمد کرلئے گئے۔
پولیس کے مطابق گرفتار ملزمان سے مزید تفتیش جاری ہے۔
