لبنان میں ہونے والے پیجر دھماکوں کے متعلق امریکا کا موقف سامنے آگیا ہے۔
ترجمان امریکی محکمہ خارجہ میتھیو ملر نے واشنگٹن میں پریس بریفنگ کے دوران یہ کہا کہ امریکا پیجر دھماکوں میں ملوث ہے نہ جانتا ہے کہ اس کے پیچھے کون ہے۔
میتھیو ملر نے کہا کہ امریکا بھی پیجر ڈیوائسز میں دھماکوں کی تحقیقات چاہتا ہے، اسرائیل اور حزب اللہ کے درمیان سفارتی سطح پر مسائل حل ہونے چاہیے۔
ترجمان محکمہ خارجہ نے کہا کہ پاکستان ہمارا طویل مدتی شراکت دار رہا ہے لیکن پاکستان کے بیلسٹک میزائل پروگرام کی حمایت نہیں کریں گے۔
ترجمان محکمہ خارجہ نے کہا کہ امریکا مہلک ہتھیاروں کے پھیلاؤ کی حمایت کرنے والے نیٹ ورکس کے خلاف کارروائی کرکے بین الاقوامی عدم پھیلاؤ کے نظام کو مربوط بنانے کیلئے پرعزم ہے۔
میتھیو ملر کا کہنا ہے کہ ہم کئی سالوں سے پاکستان کے بیلسٹک میزائل پروگرام کے بارے میں اپنے خدشات کے متعلق واضح اور مستقل ہیں، ہم اپنی پابندیوں اور دیگر اقدامات کا استعمال جاری رکھیں گے تا کہ ہماری قومی سلامتی متاثر نہ ہو۔