نئی دہلی، عام آدمی پارٹی کی جانب سے اتیشی مارلینا کو ریاست کا نیا وزیراعلیٰ نامزد کردیا گیا ہے۔
غیر ملکی میڈیا کے مطابق وزیراعلیٰ نئی دہلی اروند کیجریوال کے استعفے کے اعلان کے بعد عام آدمی پارٹی نے کابینہ کی وزیر اتیشی مارلینا کو نئی دہلی کا نیا وزیراعلیٰ نامزد کیا ہے۔
غیر ملکی میڈیا کا کہنا ہے کہ اروند کیجریوال نے لیفٹیننٹ گورنر وی کے سکسینا سے ملاقات کے بعد اپنے منصب سے استعفیٰ دے دیا اور انہوں نے اتیشی مارلینا کا نام بطور وزیراعلیٰ کے لیے تجویز کیا ہے۔
غیر ملکی میڈیا کے مطابق عام آدمی پارٹی کے ارکان اسمبلی کے اجلاس میں یہ اعلان کیا گیا کہ اروند کیجریوال کی جانب سے اتیشی مارلینا کو بطور وزیراعلیٰ نامزد کیا گیا ہے، تمام پارٹی ارکان کی جانب سے اس بات کی توثیق کردی گئی ہے۔
غیر ملکی میڈیا کے مطابق اتیشی مارلینا دہلی حکومت میں تعلیم، پبلک ورکس ڈپارٹمنٹ کی وزیر کے طور پر کام کرچکی ہیں۔
یاد رہے کہ وزیراعلیٰ نئی دہلی اروند کیجریوال کو شراب پالیسی کیس میں 6 ماہ بعد ضمانت پر رہا کیا گیا جس پر انہوں نے وزارت سے مستعفی ہونے کا اعلان بھی کیا تھا۔
