108
ڈاکٹروں کی مبینہ غفلت سے بچہ جان کی بازی ہارگیا۔
پشاور، لیڈی ریڈنگ اسپتال میں ڈاکٹروں کی مبینہ غفلت سے بچہ جان کی بازی ہار گیا۔
ذرائع کا کہنا ہے کہ بچے کے چچا نے یہ بتایا کہ بھتیجے کو بخار تھا، علاج کیلئے ہسپتال لیکر آیا تھا۔
بچے کے چچا نے ڈاکٹرز پر یہ الزام عائد کیا ہے کہ انجیکشن لا کر ڈاکٹروں کو دیا لیکن وہ باتیں کرنے میں مصروف تھے۔
دوسری جانب ترجمان لیڈی ریڈنگ اسپتال محمد عاصم نے اپنے بیان میں یہ کہا کہ لیڈی ریڈنگ اسپتال روزانہ سینکڑوں بچوں کی جانیں بچاتا ہے۔
ترجمان لیڈی ریڈنگ اسپتال کا کہنا ہے کہ بچے کی ہلاکت سے متعلق انکوائری جاری ہے جس کے بعد ہی کچھ کہہ سکیں گے۔
