106
رہنما پاکستان مسلم لیگ ن اور سینیٹر طلال چوہدری کا کہنا تھا کہ آئینی ترامیم پر پی ٹی آئی کے سوا تمام جماعتوں اور آزاد اراکین کا اتفاق رائے پیدا کرنے کی کوشش کی جارہی ہے۔
نجی ٹی وی چینل کے پروگرام میں گفتگو کرتے ہوئے رہنما ن لیگ طلال چوہدری کا کہنا تھا کہ قومی اسمبلی میں جے یو آئی ف کے بعد حکومت کے پاس صرف ایک ووٹ کی کمی رہ گئی ہے۔
سینیٹر نے کہا کہ تحریک انصاف والے آف دی ریکارڈ ہم سے کہتے ہیں کہ یہ ترامیم ہونی چاہییں۔
طلال چوہدری کا یہ کہنا تھا کہ پارلیمنٹ میں جو کچھ ہوا وہ نہیں ہونا چاہیے تھا لیکن جو تحریک انصاف کے جلسے میں ہوا وہ بھی نہیں ہونا چاہیے تھا۔
یاد رہے کہ اس سے پہلے وزیر دفاع خواجہ آصف کی جانب سے یہ دعویٰ کیا گیا تھا کہ پارلیمان میں قانون سازی کیلئے حکومت کے نمبرز پورے ہیں۔
