152
سابق بنگلہ دیشی کپتان شکیب الحسن کے بعد مشرفی مرتضیٰ کے خلاف بھی مقدمہ درج کرلیا گیا ہے۔
غیر ملکی میڈیا کے مطابق شیخ مصطفیٰ المضاہد الرحمان نے ناریل صدر پولیس اسٹیشن میں طالب علموں پر حملے کے الزام کا مقدمہ درج کرایا ہے جس میں مشرفی مرتضیٰ سمیت انکے والد کو بھی مقدمے میں نامزد کیا گیا ہے۔
غیر ملکی میڈیا کا کہنا تھا کہ طالب علموں پر حملے کے الزام میں 90 افراد کو نامزد کیا گیا ہے، جس میں کرکٹر مشرفی مرتضیٰ کا نام بھی شامل ہے۔
غیر ملکی میڈیا کے مطابق مقدمے میں نامزد 90 افراد پر حالیہ تحریک کے دوران طالب علموں پر حملہ کرنے کا الزام ہے۔
یاد رہے کہ سابق کپتان و آل راؤنڈر شکیب الحسن پر بھی بنگلہ دیش میں قتل کے الزام میں مقدمہ درج ہے، کرکٹر پاکستان سے واپس بنگلہ دیش نہیں گئے تھے بلکہ براستہ دبئی انگلینڈ چلے گئے تھے۔
یاد رہے کہ بنگلہ دیش کی سابق وزیراعظم حسینہ واجد استعفیٰ دیکر بھارت فرار ہوچکی ہیں۔
