لاہور، وزیراعلیٰ پنجاب مریم نواز کی جانب سے پولیس اہلکاروں کو بلٹ پروف جیکٹس اور گاڑیاں دینے کا حکم دیدیا گیا ہے۔
وزیراعلیٰ پنجاب مریم نواز کی زیر صدارت امن وامان کے متعلق امور کا جائزہ اجلاس ہوا، جس میں وزیراعلیٰ کی جانب سے عید میلادالنبیﷺ پر فول پروف سکیورٹی انتظامات کرنے اور افسران کو علمائے اکرام سے ملنے کی ہدایت کی گئی
اجلاس میں صوبائی سرحدی چوکیوں کی تعداد بڑھانے کی تجویز سامنے آئی ہے جب کہ اس موقع پر وزیراعلیٰ پنجاب مریم نواز کی جانب سے پولیس اہلکاروں کو بلٹ پروف گاڑیاں اور بلٹ پروف جیکٹس فوری دینے کا حکم بھی دیا۔
وزیراعلیٰ کی زیر صدارت اجلاس میں پنجاب پولیس کو 1 ارب روپے کی گرانٹ دینے کی منظوری بھی دی گئی۔
وزیراعلیٰ نے سرحدی پوسٹوں پر تعینات پولیس اہلکاروں کو خصوصی ٹریننگ کرانے، بارڈر سکیورٹی چیک پوسٹوں کو مزید مضبوط اور بہتر بنانے اور غیرقانونی اسلحہ کے خاتمے کے لیے مہم مزید تیز کرنے کا حکم بھی دیا۔
اجلاس میں آن ڈیوٹی پولیس اہلکاروں کے سوشل میڈیا کے استعمال پر پابندی عائد کرنے کا فیصلہ بھی کیا گیا۔
مریم نواز کا کہنا تھا کہ عوام کے تحفظ کے لیے جو کچھ بھی کرنا پڑا ضرور کیا جائے گا، جرائم پیشہ عناصر کے خلاف بلاتفریق کارروائی کی جائے گی، پولیس جرم سرزد ہونے کا انتظار کیے بغیر پیشگی ایکشن کی اہلیت پیدا کرے۔