گجرات، ڈپٹی کمشنر صفدر حسین ورک نے ڈسٹرکٹ کوالٹی کنٹرول بورڈ کے اجلاس کی صدارت کی۔
ڈپٹی کمشنر صفدر حسین ورک نے کہا کہ عطائیوں، جعلی اور بغیر لائسنس ادویات فروخت کرنیوالے افراد کے خلاف بلاتفریق کاروائی عمل میں لائی جائے، ڈیوٹی میں غفلت برتنے والے ڈرگ انسپکٹرز و عملہ کے خلاف بھی کارروائی کی جائیگی، شہریوں کی صحت سے کسی فرد کو کھیلنے کی اجازت نہیں دی جائے گی۔ ان خیالات کا اظہار انہوں ڈسٹرکٹ کوالٹی کنٹرول بورڈ کے اجلاس سے خطاب کرتے ہوئے کیا۔
سی ای او ہیلتھ ڈاکٹر ذاکر علی رانا، سیکرٹری کوالٹی کنٹرول بورڈ مہوش ابرار، ڈاکٹر افضل چوہدری، ڈرگ انسپکٹر شاہد الحسن اس موقع پر موجود تھے۔
اجلاس میں مجموعی طور پر 11 کیسز سماعت کیلئے پیش کیے گئے، سنگین نوعیت کے 4 کیسز کو ڈرگ کورٹ ریفر کردیا گیا جبکہ معمولی نوعیت کی خلاف ورزیاں کرنے والے میڈیکل اسٹور مالکان کو وارننگ دی گئی۔
ایڈیشنل ڈپٹی کمشنر جنرل افضل حیات تارڑ نے کہا کہ محکمہ صحت اور ڈرگ انسپکٹرز کو ہدایت کی ہے کہ جعلی ادویات کا کاروبار کرنیوالوں اور عطائیوں کے خلاف کریک ڈاؤن مزید موثر بنایا جائے، بغیر کوالیفائیڈ پرسن کے کسی میڈیکل اسٹور کو کاروبار کرنے کی اجازت نہیں دی جائے گی۔
