لاہور، پاکستان شوبز انڈسٹری کی ممتاز اداکارہ سونیا حسین کی جانب سے شوبز انڈسٹری میں اقربا پروری جیسے عوامل کی موجودگی سے انکار کر دیا گیا ہے۔
حال ہی میں اداکارہ سونیا حسین ایک نجی ٹی وی کے پروگرام میں بطور مہمان شریک ہوئیں جہاں انہوں مختلف موضوعات پر تبادلہ خیال کیا۔
انٹرویو کے دوران اداکارہ نے بیشتر فنکاروں کی جانب سے کام نہ ملنے یا پھر لیڈ رول نہ ملنے کی شکایات کو بے وجہ قرار دیا گیا ہے۔
اداکارہ کا کہنا تھا کہ انڈسٹری میں جگہ بنانے کے لیے تعلقات کا ہونا ضروری نہیں یہ سب بہانے ہیں، آپ کو اپنے کام میں ماہر ہونا چاہیے۔
سونیا حسین کا یہ کہنا تھا کہ انڈسٹری میں فیورٹ ازم ضرور ہے لیکن مجھے نہیں لگتا کہ انڈسٹری میں اقربا پروری جیسی کوئی چیز موجود ہے یا پھر صرف گورے رنگ کو ترجیح دی جاتی ہے بلکہ جو کام کرنا جانتا ہے وہ اپنی جگہ اپنے ہنر کی بنیاد پر کام کرتا ہے۔
سونیا حسین نے کہا کہ لوگ صرف بہانے بناتے ہیں کہ کام نہیں مل رہا، انڈسٹری میں اقربا پروری کی بنا پر کام دیا جاتا ہے یا پھر صرف گورے رنگ کو اہمیت دی جاتی ہے۔
اداکارہ کا یہ کہنا تھا کہ محنت بالآخر رنگ لاتی ہے اور نئے آنیوالوں کو مشورہ دیا گیا ہے کہ وہ بہانے بنانے سے گریز کریں اور سخت محنت پر توجہ دیں۔