پاکستانی اداکارہ مریم نفیس کی جانب سے انکشاف کیا گیا ہے کہ ان کی سابق بوائے فرینڈ سے ابھی دعا سلام ہے اور اس بات کا علم ان کے شوہر کو بھی ہے۔
اداکارہ مریم نفیس حال ہی میں ایک پوڈ کاسٹ میں شریک ہوئیں کہ جس دوران میزبان کی جانب سے اداکارہ کے کیرئیر سمیت ذاتی موضوعات پر بھی گفتگو کی گئی جب کہ اس دوران اداکارہ نے سابق بوائے فرینڈ سے سلام دعا پر بھی بات کی۔
شو کے دوران میزبان کی جانب سے مریم نفیس سے یہ سوال کیا گیا اگر کوئی لڑکی آپ کو فولو کرے تو آپ ایک اچھے ازدواجی تعلق کیلئے ان لڑکیوں کو کیا مشورہ دیں گی؟
اس پر خوبرو اداکارہ مریم نفیس کا کہنا تھا کہ لڑکیوں کو اپنی ہر بات شوہروں کو بتانی چاہیے لیکن وہ بات سابق بوائے فرینڈ سے ملنے کی نہ ہو۔
مریم نفیس کا یہ کہنا تھا کہ ہر رشتے کی کچھ حدود ہوتی ہیں جس پر دونوں کو عمل کرنا چاہیے، میں بذات خود ہر بات اپنے شوہر کو بتاتی ہوں۔
مریم نفیس نے اس بات کی وضاحت کیلئے اپنی مثال دیتے ہوئے کہا کہ میری آج بھی اپنے سابق بوائے فرینڈ سے دعا سلام ہے، اگرچہ میری شادی ہوگئی ہے لیکن میں اپنے سابق بوائے فرینڈ کی فیملی سے بہت قریب ہوں، ان کی بہن آج بھی میری بہت اچھی دوست ہے اور اس بات کا میرے شوہر کو بھی پتہ ہے، لیکن انہیں اس بات پر کوئی اعتراض نہیں ہے۔
