سائبر سکیورٹی کو مزید مضبوط بنانے کیلئے اہم معاہدوں پر دستخط

سائبر سکیورٹی کو مزید فعال اور مضبوط بنانے کیلئے اہم معاہدوں پر دستخط کردیے گئے۔

نادرا، این ٹی ایل اور نیشنل سائبر ایمرجنسی رسپانس ٹیم کے درمیان ایک اہم معاہدے پر دستخط ہو گئے۔

یہ بھی پڑھیں

یہ معاہدہ نادرا کے ہیڈ کوارٹرز میں منعقدہ ایک خصوصی تقریب کے دوران پیش آیا، جس میں چیئرمین نادرا بھی شریک تھے۔

اہم معاہدے کے تحت ادارے سائبر سیکیورٹی کے ممکنہ خطرات اور متعلقہ ڈیٹا کا باہمی تبادلہ کریں گے۔

نیشنل سائبر ایمرجنسی رسپانس ٹیم حساس معلومات فراہم کرے گی تاکہ پاکستان کے ڈیجیٹل اثاثوں کو متاثر کرنے والے واقعات پر مشترکہ ردعمل دیا جاسکے گا۔

معاہدے کے تحت سائبر سیکیورٹی واقعات کی مشترکہ تحقیقات کی جائیں گی اور ٹیکنالوجی میں بہتری کے منصوبوں پر مل کر کام کیا جائے گا۔

اسکے علاوہ تربیتی سیشنز اور شہریوں کی آگاہی بڑھانے کے لئے خصوصی سرگرمیوں کا انعقاد بھی کیا جائے گا۔

شیئر کریں: