4.6K
وفاقی حکومت کی ہدایت پر پاکستان ٹیلی کمیونیکیشن اتھارٹی (پی ٹی اے) کی جانب سے سمز کا غیر قانونی استعمال روکنے کے لیے آپریشن شروع کر دیاگیا ہے۔
پی ٹی اے کا کہنا ہے کہ غیر قانونی سمز کی بندش کے دوسرے مرحلے کا آغاز کردیا گیا ہے، 2017 سے پہلے زائد المیعاد شناختی کارڈز پر سمز کی بندش کا عمل شروع کردیا گیا ہے۔
پی ٹی اے کے مطابق شہری سمز کی بندش سے بچنے کے لیے شناختی کارڈز کی تجدید کروائیں، نادرا سے حاصل ہونے والے ڈیٹا کی بنیاد پر غیر قانونی سمز کو بند کیا جارہا ہے۔
حکام کے مطابق پہلے مرحلے میں جعلی سمز اور کینسل ہونے والے شناختی کارڈز پر سمز بند کی گئیں، 16 اگست سے لیکر اب تک 69 ہزار سے زائد غیر قانونی سمز بند کر دی گئیں ہیں۔
پی ٹی اے کا کہنا ہے کہ تیسرے مرحلے میں فوت شدہ افراد کے نام پر رجسٹرڈ سمز کو بند کیا جائے گا، موبائل سمز کی بندش سے پہلے صارفین کو آگاہی پیغامات بھجوائے جارہے ہیں۔
