پرویز الٰہی سمیت دیگر کے نام پاسپورٹ کنٹرول لسٹ میں شامل کرنے پر جواب طلب

تازہ ترین خبروں اور تبصروں کیلئے ہمارا وٹس ایپ چینل جوائن کریں

لاہور ہائیکورٹ نے سابق وزیر اعلیٰ پنجاب چودھری پرویز الہٰی، راسخ الہٰی اور زارا الہٰی کے نام پاسپورٹ کنٹرول لسٹ میں شامل کرنے کے مقدمے میں تمام فریقین کو نوٹسز جاری کرتے ہوئے آئندہ ہفتے جواب طلب کرلیا ہے۔

جسٹس لاہور ہائیکورٹ شمس محمود مرزا نے سابق وزیراعلیٰ پنجاب چودھری پرویز الہٰی سمیت دیگر کی درخواستوں پر سماعت کی۔ درخواست میں وزارت داخلہ کو بذریعہ سیکرٹری، ایف آئی اے سمیت دیگر کو فریق بنایا گیا ہے۔

latest urdu news

لاہور ہائیکورٹ کی جانب سے تمام فریقین کو نوٹسز جاری کرتے ہوئے آئندہ ہفتے جواب طلب کر لیا گیا۔

درخواست میں موقف اختیار کیا گیا ہے کہ پرویز الہٰی پر درج مقدمات کی عدالتوں سے ضمانتیں منظور ہو چکی ہیں، 20 ستمبر سے 5 اکتوبر تک عمرہ اور یوکے کیلئے جانا چاہتے ہیں۔

وزیراعلیٰ پنجاب سمیت دیگر کے نام پاسپورٹ کنٹرول لسٹ میں ہونے کی وجہ سے بنیادی حقوق کی خلاف ورزی ہو رہی ہے۔

عدالت کی جانب سے یہ استدعا کی گئی ہے کہ پاسپورٹ کنٹرول لسٹ میں نام ڈالنے کے اقدام کو کالعدم قرار دیتے ہوئے لسٹ سے ناموں کو نکالنے کا حکم دیا جائے۔

News Alert Urdu

شیئر کریں:
frontpage hit counter