104
کوئٹہ، وزیراعظم پاکستان شہباز شریف ایک روزہ دورے پر کوئٹہ پہنچ گئے۔
وزیر اعلیٰ بلوچستان سرفراز بگٹی، اسپیکر بلوچستان اسمبلی عبدالخالق اچکزئی اور دیگرحکام نے وزیراعظم پاکستان میاں شہباز شریف کا ائیرپورٹ پر شاندار استقبال کیا۔
نائب وزیراعظم اسحاق ڈار اور وفاقی وزراء احسن اقبال، محسن نقوی اور جام کمال بھی شہباز شریف کے ساتھ کوئٹہ پہنچے ہیں۔
وزیر اعظم پاکستان آج کوئٹہ میں امن و امان کے حوالے سے خصوصی اجلاس کی صدارت کریں گے جس میں آرمی چیف اور وفاقی وزرا سمیت اعلیٰ سول و عسکری حکام بھی شریک ہوں گے۔
اسکے علاوہ وزیراعظم پاکستان شہباز شریف کوئٹہ میں اپیکس کمیٹی کے اجلاس کی صدارت بھی کریں گے۔
یاد رہے کہ 3 روز پہلے بلوچستان کے مختلف اضلاع میں دہشت گردی کے پے در پے واقعات میں 50 سے زائد افراد جان کی بازی ہار گئے تھے جبکہ دہشت گردوں کے خلاف آپریشن کے دوران 21 دہشت گرد واصل جہنم ہوگئے اور 14 جوان شہید ہوگئے۔
