فیصل آباد پولیس کی جانب سے وزیراعلیٰ کے پی علی امین گنڈا پور کو کسی قسم کی سکیورٹی فراہم نہیں کی گئی۔
پشاور، فیصل آباد پولیس نے وزیر اعلیٰ کے پی علی امین گنڈا پور کیساتھ عام شہریوں کی طرح برتاؤ کیا اور فیصل آباد میں وزیر اعلیٰ کو کسی قسم کی سکیورٹی بھی فراہم نہ کی گئی۔
سکیورٹی فراہم نہ کرنے پر کے پی حکومت نے شدید برہمی کا اظہار کیا اور پرنسپل سیکرٹری وزیر اعلیٰ نے خط لکھ دیا ہے، یہ خط وزیر اعلیٰ پنجاب مریم نواز کے پرنسپل سیکرٹری ساجد ظفر کو لکھا گیا ہے۔
لکھے گئے خط میں شدید ناپسندیدگی اور غیر ذمہ داری کا ذکر کرتے ہوئے یہ کہا گیا ہے کہ علی امین گنڈاپور کے فیصل آباد جانے کے لئے ایک دن پہلے خط لکھا کیا گیا جس میں درخواست کی گئی تھی کہ وزیر اعلیٰ کے پی کو سکیورٹی فراہم کی جائے۔
پرنسپل سیکرٹری کے لکھے گئے خط کے مطابق خیبرپختونخوا میں پنچاب، وفاقی وزراء اور افسران کو سکیورٹی فراہم کی جاتی ہے اسی طرح فیصل آباد میں خیبرپختونخوا کے وزیر اعلیٰ کو بھی سکیورٹی فراہم کرنی چاہیے تھی۔
خط میں مزید یہ کہا گیا ہے کہ سکیورٹی فراہم نہ کرنے سے وزیر اعلیٰ علی امین گنڈا پور کی زندگی کو خطرہ ہوسکتا تھا، درخواست کرتے ہیں کہ ایس ایس پی آپریشنز فیصل آباد کے خلاف مؤثر کارروائی عمل میں لائی جائے۔
