اسلام آباد، سابق کرکٹر محمد آصف نے کہا کہ اگلے ٹی 20 ورلڈ کپ میں بھی امریکی ٹیم پاکستان کو شکست دے گی۔
سابق فاسٹ بولر محمد آصف نے پاکستانی ٹیم کو تنقید کا نشانہ بناتے ہوئے یہ کہا کہ پہلی بار ٹی 20 ورلڈ کپ کھیلنے والی ٹیم سے ہار رہے ہیں، ٹیم سے بڑا میگا ایونٹ کیلئے اسٹاف پہنچا ہوا تھا۔
سابق ٹیسٹ کرکٹر کی جانب سے یہ پیشگوئی کی گئی ہے کہ اس ٹیم کی کارکردگی بہت اچھی ہے۔
محمد آصف کا کہنا تھا کہ صرف ہوسٹ ہونے کیوجہ سے کھیلنے والی ٹیم سے ہارنا بہت شرم کی بات ہے اور جس طرح کی پاکستان کی کرکٹ چل رہی ہے امریکا ایک مرتبہ پھر پاکستان کو 2026 ٹی 20 ورلڈ کپ میں ہرا دے گا۔
محمد آصف نے کہا کہ 2026 ورلڈ کپ سے پہلے ہم کپتان، کوچ اور ٹیم تبدیل کردیں گے، پوری دنیا 2، 3 سال کا پلان بناتی ہے لیکن ہمارے پاس ایسا کوئی پلان موجود نہیں ہے۔
معروف پیسر محمد آصف کا کہنا تھا کہ ہمارے بالرز اب فرینڈلی ہوچکے ہیں، انہیں بلے باز چھکا یا چوکا لگاتا ہے تو خوش ہوتے ہیں اور اگلے بال پر وہی غلطیاں دہراتے نظر آتے ہیں۔
محمد آصف نے کہا کہ ہماری بھی سب سے فرینڈشپس تھیں لیکن گراؤنڈ میں کوئی چھکا چوکا لگاتا تھا تو وکٹ لینے کیلئے کوششیں کرتے رہتے تھے، اسی سلسلہ میں کئی جرمانے بھی بھگتے، مگر آج کے پلیئرز کی سمجھ نہیں آتی۔
