شکاگو، امریکی شہر شکاگو میں جاری ڈیموکریٹک پارٹی کے کنونشن کے آخری دن کملا ہیرس کی جانب سے صدارتی امیدوار کی حیثیت سے نامزدگی کو باضابطہ طور پر قبول کر لیا گیا ہے۔
غیر ملکی میڈیا کے مطابق شکاگو میں جاری 4 روزہ ڈیموکریٹک پارٹی کے کنونشن کا آج آخری روز ہے جس سے مختلف رہنما خطاب کر رہے ہیں۔
پارٹی کنونشن سے نامزد صدارتی امیدوار کملا ہیرس نے خطاب کے دوران یہ کہا کہ ان تمام لوگوں کا شکریہ ادا کرتی ہوں جنہوں نے میرا ساتھ دیا ہے۔
کملا ہیرس کا یہ کہنا تھا کہ سابق امریکی صدر ڈونلڈ ٹرمپ کو شکست دیکر امریکی قوم کو ایک نیا مستقبل دوں گی۔
ڈیموکریٹک پارٹی کی صدارتی امیدوار کملا ہیرس نے کہا کہ بحیثیت صدر تمام امریکیوں کو ہماری اعلیٰ ترین امنگوں کے گرد متحد کروں گی۔
دوسری جانب بھارتی ریاست تریپورہ میں شدید بارشوں کے باعث 10 افراد جان کی بازی ہارگئے ہیں۔
بھارتی ریاست تریپورہ میں بارشوں کی وجہ سے بڑے پیمانے پر جانی اور مالی نقصان کی اطلاعات ہیں، مختلف حادثات میں 10 افراد جان کی بازی ہار گئے جبکہ متعدد لاپتا ہوگئے۔
غیر ملکی میڈیا کے مطابق بھارتی ریاست تریپورہ میں بارشوں کی وجہ سے سیلابی صورتحال ہے اور نظام زندگی درہم برہم ہو کر رہ گیا ہے۔
