معروف اداکارہ لائبہ خان نے یہ انکشاف کیا ہے کہ میں نے 9 سال کی عمر میں قرآن پاک مکمل حفظ کرلیا تھا۔
لاہور، پاکستان شوبز انڈسٹری کی خوبصورت اداکارہ لائبہ خان کی جانب سے یہ انکشاف کیا گیا ہے کہ میں نے 9 سال کی عمر میں قرآن پاک حفظ کرلیا تھا۔
اداکارہ لائبہ خان کا ایک انٹرویو کلپ سوشل میڈیا پر وائرل ہورہا ہے جس میں اداکارہ کی جانب سے یہ انکشاف کیا گیا ہے کہ میں حافظ قرآن ہوں،7 سال کی عمر میں والدین کی خواہش پر حفظ شروع کیا اور 9 سال کی عمر میں مکمل کیا۔
اداکارہ کا کہنا تھا کہ بچپن میں حفظ کی خواہش میری نہیں تھی لیکن امی کی خواہش پر حفظ کیا اور جب کلام الٰہی پڑھنا شروع کیا تو میرا دل لگ گیا، چونکہ میرا حافظہ بہت اچھا ہے لہٰذا 2 سال کے دوران ہی میں نے اپنا حفظ مکمل کرلیا۔
View this post on Instagram
شوبز انڈسٹری میں آنے سے متعلق اداکارہ کا یہ کہنا تھا کہ میٹرک کے بعد میں اپنی ماں کیساتھ چھوٹی بہن اور اداکارہ ایمان کے ڈرامہ سیٹ پر چلی گئی تھی، اسی سیٹ پر کاسٹنگ ہیڈ نے مجھے ایکٹنگ کی باقاعدہ پیشکش کی تھی جس پر میں نے پہلے انکار کردیا لیکن پھر بعد میں حامی بھرلی، یوں میں نے ایکٹنگ شروع کردی۔
