ڈنگہ: کولیاں روڈ پر ٹریفک حادثے میں موٹرسائیکل سوار جان کی بازی ہار گیا۔
ڈنگہ سے گجرات جانیوالے روڈ پر ٹرالہ کی ٹکر سے موٹر سائیکل سوار 26 سالہ اظہر موقع پر دم توڑ گیا۔
رپورٹ کے مطابق موضع ڈھلیان کا رہائشی اظہر اپنے دوست کے ہمراہ موٹرسائیکل پر گجرات کی جانب جا رہے تھے کہ کولیاں ہسپتال کے قریب 22 ویلر ٹرالہ سے ٹکرا گئے۔
ٹرالہ موٹرسائیکل سوار کے اوپر سے گزر گیا جس کے باعث اظہر محمود کا جسم دو ٹکڑے ہو گیا اور وہ موقع پر ہی دم توڑ گیا۔ جبکہ دوسرا نوجوان جسکی شناخت خرم کے نام سے ہوئی ہے معمولی زخمی ہوا ہے۔
ٹرالہ ڈرائیور موقع سے فرار ہونے میں کامیاب ہو گیا۔
ریسکیو ٹیموں نے موقع پر پہنچ کر نعش تحصیل لیول ہسپتال ڈنگہ منتقل کردی ہے۔
دوسری جانب گجرات پولیس کا رات گئے بھاری نفری کے ہمراہ سابق ایم پی اے سلیم سرور جوڑا کی رہائشگاہ پر چھاپہ چوہدری سلیم سرور جوڑا کو رات 2 بجے گرفتار کرلیا گیا
خاندانی ذرائع نے سلیم سرور جوڑا کی گرفتاری کی تصدیق کرتے ہوئے بتایا کہ 15سے 25 کے قریب پولیس افسران واہلکاروں نے بغیر مقدمہ کے غیر قانونی طور پرچادرچاردیواری کے تقدس کوپامال کرتے ہوئے رہائشگاہ سے سلیم سرور جوڑا کو گرفتار کیا ہے۔
