وفاقی وزیر اطلاعات عطا تارڑ کا یہ کہنا ہے کہ عمران خان اور جنرل (ر) فیض حمید کے درمیان گٹھ جوڑ تھا، انہوں نے ملک کو نقصان پہنچایا۔
اسلام آباد، وفاقی وزیر اطلاعات عطا تارڑ کا یہ کہنا ہے کہ عمران خان اور جنرل (ر) فیض حمید کے درمیان گٹھ جوڑ تھا اور فیض حمید نے اپنی پوری کوشش کی کہ پی ٹی آئی برسر اقتدار رہے۔
نجی ٹی وی چینل کے پروگرام میں گفتگو کرتے ہوئے عطا تارڑ کا یہ کہنا تھا کہ خود کو پرامن کہنے سے کوئی پُرامن نہیں ہو جاتا، اسے ثابت کرنا پڑتا ہے، جماعت اسلامی کے لوگ پُرامن تھے اور دھرنا پُرامن انداز میں دیا۔
وفاقی وزیر اطلاعات و نشریات نے کہا کہ پی ٹی آئی کے ماضی کو دیکھتے ہوئے مجھے بالکل نہیں لگتا کہ انہیں اجازت دی جائے گی، سابق ڈی جی آئی ایس آئی فیض حمید نے بھرپور کوشش کی کہ پی ٹی آئی کسی طرح برسر اقتدار رہے، 9 مئی عمران خان کے کہنے پر ہوا۔
عطا تارڑ کا یہ کہنا تھا کہ عمران خان اور فیض حمید کے درمیان گٹھ جوڑ تھا، ان دونوں نے پاکستان کو نقصان پہنچایا، میں نہیں جانتا کہ عمران خان کا معاملہ کس کورٹ میں جائے گا، مجھے لگتا ہے کہ عمران خان کو کوئی خوف ہے۔
