معروف اداکارہ لائبہ خان کا کہنا ہے کہ انہوں نے رومانوی مناظر فلمانے سے متعلق اپنی حدود کا تعین کر رکھا ہے۔
لاہور، پاکستانی شوبز انڈسٹری کی معروف اداکارہ لائبہ خان کا کہنا ہے کہ انہوں نے رومانوی مناظر فلمانے سے متعلق اپنی حدود کا تعین کر رکھا ہے۔
اداکارہ لائبہ خان نے حال ہی میں اداکار علی انصاری کیساتھ غیر ملکی فیشن میگزین کو انٹرویو دیا، جس میں اداکارہ نے مختلف موضوعات پر کھل کر بات چیت کی۔
انٹرویو کے دوران رومانوی مناظر شوٹ کروانے سے متعلق بات کرتے ہوئے لائبہ خان کا کہنا تھا کہ پاکستانی ڈرامہ انڈسٹری میں خواتین کے پاس اتنے اختیارات موجود ہیں کہ وہ رومانوی مناظر شوٹ کروانے سے منع کرسکتی ہیں، انہیں اس معاملے میں کوئی کچھ نہیں کہے گا۔
لائبہ خان نے کہا کہ بہت ساری اداکاراؤں نے اپنی حدود کا تعین کر رکھا ہے، وہ رومانوی مناظر شوٹ نہیں کرواتیں، وہ ساتھی مرد اداکار کو ٹچ بھی نہیں کرنے دیتیں، اسی طرح میں نے بھی رومانوی مناظر سے متعلق اپنی حدود کا تعین کر رکھا ہے۔
View this post on Instagram
اداکارعلی انصاری نے کہا کہ رومانوی مناظر شوٹ کروانا آسان نہیں ہوتا، ایسے مناظر شوٹ کروانے سے پہلے دونوں اداکار ایک دوسرے کو انڈرسٹینڈ کریں اور پھر اسی حساب سے شوٹ کروائیں تو بہتر ہو گا۔
