گجرات: ڈپٹی کمشنر کا عوامی مسائل سننے کے لیے کھلی کچہری کا انعقاد

گجرات: ڈپٹی کمشنر گجرات صفدر حسین ورک نے شہریوں کے مسائل سننے اور فوری حل کے لیے اپنے دفتر میں کھلی کچہری منعقد کی۔ اس موقع پر شہریوں کی بڑی تعداد نے شرکت کی اور اپنے مسائل پیش کیے۔

ڈپٹی کمشنر نے موقع پر ہی مختلف محکموں کے افسران کو ضروری ہدایات جاری کیں اور متعدد درخواستوں پر فوری عملدرآمد کا حکم دیا۔ انہوں نے کہا کہ ضلعی انتظامیہ عوامی مسائل کے حل کے لیے ہر ممکن اقدامات کر رہی ہے اور کھلی کچہریوں کا انعقاد عوام کو فوری ریلیف فراہم کرنے کے لیے کیا جا رہا ہے۔

انہوں نے متعلقہ محکموں کے افسران کو ہدایت دی کہ عوامی شکایات کے ازالے میں کسی بھی قسم کی کوتاہی برداشت نہیں کی جائے گی اور تمام مسائل کو ترجیحی بنیادوں پر حل کیا جائے۔

شہریوں نے ضلعی انتظامیہ کے اقدامات کو سراہتے ہوئے ڈپٹی کمشنر کا شکریہ ادا کیا اور کھلی کچہری کے انعقاد کو ایک مثبت قدم قرار دیا۔