تھانہ دولت نگر میں مختلف وارداتیں، مقدمات درج

دولت نگر کے گاؤں مکیانہ میں گھریلو جھگڑے کے دوران ملزم بابر لیاقت نے فائرنگ کرکے اپنی بیوی اقراء کو پیر میں گولی مار کر زخمی کر دیا۔

دولت نگر کے گاؤں مکیانہ میں گھریلو جھگڑے کے دوران ملزم بابر لیاقت نے فائرنگ کرکے اپنی بیوی اقراء کو پیر میں گولی مار کر زخمی کر دیا۔ پولیس تھانہ دولت نگر نے واقعے کا مقدمہ درج کر لیا۔

بوکن موڑ کے قریب نامعلوم مسلح ڈاکوؤں نے چاکانوالی کے رہائشی محمد مسعود سے گن پوائنٹ پر 75 ہزار روپے نقدی چھین لی اور فرار ہو گئے۔ پولیس تھانہ دولت نگر نے واردات کا مقدمہ درج کر لیا۔

دولت نگر کے گاؤں چھوکر خورد میں نامعلوم چور اخلاق احمد کے ڈیرے سے ایک گائے، چھ بکریاں، اور پانچ مرغے چوری کرکے لے گئے۔ چوری شدہ مال کی مالیت 1 لاکھ 55 ہزار روپے بتائی جا رہی ہے۔ پولیس تھانہ دولت نگر نے مقدمہ درج کرکے تفتیش شروع کر دی ہے۔