17
انٹرنیشنل کرکٹ کونسل (آئی سی سی) نے چیمپئنز ٹرافی کے لیے ٹیم آف دی ٹورنامنٹ کا اعلان کر دیا۔
ٹورنامنٹ میں شریک 8 ٹیموں میں سے صرف 3 ٹیموں کے کھلاڑی اس منتخب کردہ ٹیم میں شامل کیے گئے ہیں۔
بارہ رکنی ٹیم میں بھارت کے 6، نیوزی لینڈ کے 4 اور افغانستان کے 2 کھلاڑی شامل ہیں۔
دلچسپ بات یہ ہے کہ سیمی فائنل تک پہنچنے والی جنوبی افریقا اور آسٹریلیا کی ٹیموں کا کوئی بھی کھلاڑی اس فہرست میں جگہ نہ بنا سکا، جبکہ میزبان پاکستان کا بھی کوئی کھلاڑی ٹیم آف دی ٹورنامنٹ میں شامل نہیں کیا گیا۔
بھارت کے ویرات کوہلی، شریاس ایئر، کے ایل راہول، محمد شامی اور ورون چکرورتی کو ٹیم میں شامل کیا گیا ہے۔
نیوزی لینڈ کے رچن روندرا، گلین فلپس، مچل سینٹنر اور میٹ ہینری بھی آئی سی سی کی اس ٹیم میں جگہ بنانے میں کامیاب رہے۔
افغانستان کے ابراہیم زدران اور عظمت اللہ عمرزئی بھی ٹیم آف دی ٹورنامنٹ میں منتخب ہوئے، جبکہ بھارت کے اکشر پٹیل کو 12واں کھلاڑی نامزد کیا گیا۔
