چین، ملائیشیا، ترکیہ اور سعودی عرب سمیت 8 ممالک سے گزشتہ 24 گھنٹوں کے دوران مزید 67 پاکستانیوں کو ملک بدر کر دیا گیا، جن میں سے 14 کو حراست میں لے کر انسداد انسانی اسمگلنگ سرکل منتقل کر دیا گیا۔
امیگریشن ذرائع کے مطابق سعودی عرب سے 36 پاکستانیوں کو مختلف الزامات کے تحت بے دخل کیا گیا، جن میں بھیک مانگنے، منشیات فروشی، کام سے فرار، کفیل کے بغیر ملازمت، زائد المیعاد قیام، پاسپورٹ میں خرد برد اور غیر قانونی داخلے کے الزامات شامل ہیں، ان میں سے ایک شخص بلیک لسٹ بھی قرار دیا گیا۔
قبرص میں امیگریشن حکام نے 1 پاکستانی سمیت 3 افراد کو ناپسندیدہ قرار دے کر ملک بدر کیا، جبکہ ترکیہ میں ایک شخص کا رہائشی پرمٹ منسوخ کرکے واپس بھیجا گیا۔
ملائیشیا میں امیگریشن قوانین کی خلاف ورزی پر 1 پاکستانی کو ممنوعہ قرار دے کر ڈی پورٹ کیا گیا، چین نے امیگریشن انٹری سے انکار کرکے ایک پاکستانی کو واپس بھیج دیا، جبکہ عراق میں غیر قانونی داخلے پر 12 پاکستانیوں کو بے دخل کیا گیا، جن میں 8 غیر قانونی طور پر سرحد عبور کرنے کے الزام میں گرفتار ہوئے تھے۔
انصاف کی راہ میں خواتین ججز کا کردار قابل تعریف ہے، چیف جسٹس پاکستان
متحدہ عرب امارات میں مختلف سنگین الزامات جیسے منشیات فروشی، ریپ، قتل، دھوکہ دہی، چوری اور جیل کی سزاؤں کے باعث 10 پاکستانیوں کو ڈی پورٹ کیا گیا، جبکہ کمبوڈیا میں فراڈ کمپنی کے ساتھ کام کرنے پر 1 پاکستانی کو ملک بدر کیا گیا۔
