22
کراچی، گورنر سندھ کامران خان ٹیسوری نے کہا ہے کہ شہر شدید مشکلات سے دوچار ہے، پانی، گیس اور بجلی کا بحران شدت اختیار کرچکا ہے۔
میڈیا سے گفتگو کرتے ہوئے کامران ٹیسوری نے کہا کہ اگر بل آ رہے ہیں اور بجلی، گیس فراہم نہیں ہو رہی تو کیا خاموش رہیں؟ اگر روزگار میسر نہیں، سڑکیں اور راستے درست نہیں ہو رہے تو کیا کیا جائے؟
انہوں نے کہا کہ میرا مقصد کسی جماعت یا وزیر پر تنقید کرنا نہیں، لیکن جب تک عوام کے مسائل حل نہیں ہوں گے، ہم ان کے ساتھ کھڑے رہیں گے، شہر میں ڈمپر کے حادثات میں بے دردی سے لوگوں کو کچلا جا رہا ہے، جس پر فوری توجہ دینا ضروری ہے۔
دوسری جانب معیت علمائے اسلام (جے یو آئی) کے سربراہ مولانا فضل الرحمان نے کہا ہے کہ مساجد پر حملے کرنے والے دہشت گرد ہیں، یہ مجاہد نہیں بلکہ قاتل اور مجرم ہیں۔
مولانا فضل الرحمان دارالعلوم حقانیہ اکوڑہ خٹک پہنچے، جہاں انہوں نے مولانا حامد الحق کی شہادت پر تعزیت کی اور فاتحہ خوانی میں شرکت کی۔
