پی ڈی ایم اے نے رمضان میں متوقع بارشوں کے حوالے سے انتباہ جاری کر دیا

لاہور، پی ڈی ایم اے پنجاب نے رمضان المبارک کے دوران متوقع بارشوں کے حوالے سے انتباہ جاری کر دیا۔

پی ڈی ایم اے پنجاب کے ترجمان کے مطابق 9 سے 16 مارچ کے دوران صوبے کے مختلف اضلاع میں بارشیں متوقع ہیں، جبکہ مری، گلیات اور دیگر پہاڑی علاقوں میں بارش کے ساتھ برفباری کا بھی امکان ظاہر کیا گیا ہے۔

ترجمان نے بتایا کہ ڈی جی پی ڈی ایم اے عرفان علی کاٹھیا نے کمشنرز اور ڈپٹی کمشنرز کو چوکنا رہنے کی ہدایت جاری کی ہے، جبکہ واسا، ریسکیو، محکمہ آبپاشی، لائیو اسٹاک اور دیگر متعلقہ اداروں کو بھی الرٹ کر دیا گیا ہے۔

ڈی جی پی ڈی ایم اے کا کہنا تھا کہ راولپنڈی، جہلم، اٹک، چکوال، سرگودھا، میانوالی، خوشاب، منڈی بہاؤالدین، لاہور، شیخوپورہ، حافظ آباد، گوجرانوالہ، گجرات، سیالکوٹ، نارووال، فیصل آباد اور ٹوبہ ٹیک سنگھ میں بھی بارشیں ہونے کا امکان ہے۔