14
اسلام آباد، پاکستان کے معاشی استحکام اور بحالی کے لیے دیرینہ دوست چین کا مالی تعاون جاری ہے۔
وزارت خزانہ کے اعلامیہ کے مطابق چین نے پاکستان کے ذمے واجب الادا 2 ارب ڈالر کی رقم کی واپسی کی مدت میں ایک سال کی مزید توسیع کر دی ہے۔
اعلامیہ میں بتایا گیا کہ یہ قرض 24 مارچ کو واجب الادا تھا، تاہم چین کی جانب سے اس کی مدت میں مزید ایک سال کی توسیع کر دی گئی ہے، جس کی وزارت خزانہ نے تصدیق کر دی ہے۔
وزارت خزانہ کے مطابق چین کے اس فیصلے سے پاکستان کے زرمبادلہ کے ذخائر کو مستحکم رکھنے میں مدد ملے گی۔
دوسری جانب آسٹریلیا کے مشرقی ساحل پر طوفان الفریڈ کے باعث شدید بارشوں اور تیز ہواؤں نے بڑے پیمانے پر تباہی مچا دی۔
غیر ملکی خبر ایجنسی کے مطابق طوفان نے ریاست کوئنز لینڈ اور نیو ساؤتھ ویلز میں شدید نقصان پہنچایا، جہاں تیز ہواؤں کے سبب درخت جڑ سے اکھڑ گئے اور کئی عمارتوں کو بھی نقصان پہنچا۔
