15
بھارت میں بارات کے دوران پیسے لوٹنے کے لیے چھت پر چڑھنے والا 14 سالہ لڑکا کرنٹ لگنے سے جان کی بازی ہار گیا۔
بھارتی میڈیا کے مطابق یہ افسوسناک واقعہ ریاست ہریانہ کے گاؤں تاجپور میں پیش آیا، جہاں شادی کی تقریب کے دوران باراتی روایتی طور پر پیسے اچھال رہے تھے۔
ہیمانشو نامی 14 سالہ لڑکا، جو ایک مزدور کا بیٹا تھا، دور کھڑے باراتیوں کو پیسے لٹاتے دیکھ رہا تھا، اسی دوران اس نے بھی پیسے جمع کرنے کا ارادہ کیا۔
رپورٹس کے مطابق کچھ نوٹ ایک مکان کی چھت پر جا گرے، جسے اٹھانے کے لیے ہیمانشو چھت پر چڑھا، مگر وہاں موجود بجلی کی تاروں سے چھو جانے کے باعث اسے شدید کرنٹ لگا اور وہ موقع پر ہی دم توڑ گیا۔
میڈیا رپورٹس کے مطابق واقعے کے بعد پولیس نے لاش کو تحویل میں لے کر پوسٹ مارٹم کروایا اور بعد میں والدین کے حوالے کردیا۔
