تل ابیب، اسرائیل وزیراعظم نیتن یاہو کی جانب سے حماس کو یرغمالیوں کو رہا کرنے پر بھیانک نتائج کی دھمکی دیدی گئی۔
غیر ملکی میڈیا کا بتانا ہے کہ اسرائیلی وزیر اعظم نے اسرائیلی پارلیمنٹ میں خطاب کے دوران حماس کو براہ راست مخاطب کرتے ہوئے کہا کہ یرغمالیوں کو رہا نہ کرنے کی صورت میں وہ کچھ ہوگا جس کا تم سوچ بھی نہیں سکتے۔
اسرائیلی وزیراعظم نے کہا کہ وہ مستقبل میں جنگ کی بھرپور تیاریاں کر رہے ہیں، انہوں نے ڈونلڈ ٹرمپ کی غزہ کے حوالے دور اندیشی کی تعریف کرتے ہوئے اس کی مکمل حمایت کا اظہار کیا۔
یاد رہے کہ غزہ جنگ بندی کے معاہدے کا پہلا مرحلہ ہفتے کو ختم ہو گیا تھا جس کے بعد اسرائیل نے جنگ بندی میں عارضی توسیع اس شرط پر رکھی تھی کہ حماس جنگ بندی کا دوسرا مرحلہ شروع کئے بغیر باقی ماندہ یرغمالیوں کو رہا کر دے، مگر حماس نے اس مطالبے کو رد کرتے ہوئے جنگ بندی کے دوسرے مرحلے پر زور دیا تھا۔
اسرائیلی وزیر اعظم نتین یاہو کی پارلیمنٹ میں تقریر کے دوران یرغمالیوں کے لواحقین کی جانب سے شدید احتجاج کیا گیا، اس دوران سکیورٹی اہلکاروں اور یرغمالیوں کے لواحقین کے درمیان جھڑپ بھی ہوئی۔