واشنگٹن، امریکی وزیرخارجہ مارکو روبیو کا کہنا ہے کہ ہم ایک جنگ کو ختم کرنے کی کوشش کررہے ہیں۔
امریکی وزیرخارجہ مارکو روبیو کا کہنا ہے کہ جنگ اس وقت تک ختم نہیں ہو سکتی جب تک فریقین میز پر نہ آئیں، جمعہ سے یوکرین کے صدر زیلنسکی کے ساتھ کوئی رابطہ نہیں ہوا۔
امریکی کوششوں کا واحد مقصد تنازع کا خاتمہ ہے، فریقین کو مذاکرات کی میز پر لانے کیلئے جو بھی کرنا پڑا کریں گے۔
مشیر امریکی قومی سلامتی مائیکل والٹز کا کہنا ہے کہ امریکا کو یوکرین میں ایسے لیڈرکی ضرورت ہے جو جنگ ختم کراسکے، زیلنسکی کو واضح کرنا ہوگا وہ امن کیلئے تیار ہیں یا نہیں، ہمیں لگتا ہے زیلنسکی وائٹ ہاؤس نیک نیتی سے بات کرنے آئے تھے، یوکرین جنگ کو ضمانتوں کی بنیاد پر ختم کرانا چاہتا ہوں۔
دوسری جانب ایران کے نائب صدر جواد ظریف اپنے عہدے سے مستعفی ہوگئے۔
غیر ملکی میڈیا کا بتانا ہے کہ نائب صدر جواد ظریف کا استعفیٰ صدر مسعود پزشکیان کو موصول ہوگیا تاہم ان کے استعفے سے متعلق اب تک کوئی فیصلہ نہیں کیا گیا ہے۔
