موجودہ دور میں روبوٹس پر کافی زیادہ کام کیا جا رہا ہے مگر ایک کمپنی نے منفرد انسان نما روبوٹس تیار کیے ہیں۔
فگر نامی کمپنی کی جانب سے فگر 02 نامی انسان نما روبوٹس تیار کیے گئے ہیں جو اکٹھے گھر کے مختلف کام کرنے کی صلاحیت رکھتے ہیں یا یوں کہہ لیں کہ آپ انہیں گھریلو ملازمین کے طور پر استعمال کرسکتے ہیں۔
روبوٹس کا ملکر کام کرنے کا عمل ہیلیکس اے آئی نامی ویژن لینگوئج ایکشن ماڈل سے ممکن ہوگا۔
فگر 02 بنیادی طور پر روبوٹ دوست سمجھے جاسکتے ہیں جو ملکر کر کام کرنے کی صلاحیت رکھتے ہیں۔
جیسے اکٹھے فریج سے چیزیں اٹھا کر لاتے ہیں اور کچن میں بکھرے سامان کو ان کی درست جگہ پر رکھتے ہیں۔
کمپنی کا بتانا ہے کہ یہ دونوں ایک ساتھ چل بھی سکتے ہیں، آپ جو بھی آرڈر دیں گے وہ روبوٹس کریں گے۔
کمپنی کے مطابق دونوں روبوٹس میں ایک ہی نیورل نیٹ ورک موجود ہے جس کی وجہ سے وہ دونوں ایک جیسے رویے کا مظاہرہ کرتے ہیں۔
یہ روبوٹس کسی فیکٹری میں بھی کام کرسکتے ہیں اور اس کے لیے آنکھوں کی جگہ نصب کیمروں سے مدد حاصل کرتے ہیں۔
کمپنی نے یہ نہیں بتایا کہ روبوٹس کے کاموں کی حد ودکیا ہے، البتہ یہ ضرور بتایا گیا کہ ہیلیکس اے آئی ماڈل کی مدد سے یہ روبوٹس مختلف ساخت اور حجم والی ہزاروں اشیا کو اٹھانے کی صلاحیت رکھتے ہیں۔
