امریکی صدر ڈونلڈ ٹرمپ کا کہنا ہے کہ روس یوکرین جنگ کا جلد خاتمہ چاہتا ہوں۔
واشنگٹن، امریکی صدر ڈونلڈ ٹرمپ کا کہنا ہے کہ روس یوکرین جنگ کا جلد خاتمہ چاہتا ہوں، روس یوکرین میں جلد جنگ بندی ہوجائے گی۔
امریکی صدر ڈونلڈ ٹرمپ نے برطانوی وزیراعظم کیئر اسٹارمر سے ملاقات کے بعد مشترکہ پریس کانفرنس کے دوران کہا کہ امید ہے روس کے صدر پیوٹن اپنی باتوں پر قائم رہیں گے۔
یوکرین جنگ بندی معاہدہ سب کے مفاد میں ہے، جنگ بندی معاہدہ ابھی نہیں ہوا تو پھر کبھی نہیں ہو سکے گا۔
ڈونلڈ ٹرمپ کا کہنا ہے کہ یوکرینی صدر آج ملاقات کیلئے آئیں گے، یوکرین کیساتھ معدنیات کا معاہدہ روس کے خلاف کیف کی سلامتی کی ضمانت ہے، جنگ میں کئی افراد ہلاک ہو چکے ہیں، جنگ کے خاتمے کے بعد یوکرین کی بحالی پر بات ہوگی۔
امریکی صدر کا کہنا ہے کہ روس اور یوکرینی فوجیوں کوجنگ میں مرتا نہیں دیکھنا چاہتے، کنگ چارلس کی دعوت پر جلد برطانیہ کا دورہ کروں گا، امریکا اور برطانیہ کے درمیان جلد ایک عظیم تجارتی معاہدہ ہوگا۔
برطانوی وزیراعظم کیئر اسٹارمر نے کہا کہ ڈونلڈ ٹرمپ سے مستقبل سے متعلق اہم گفتگو ہوئی، روس یوکرین جنگ بندی کیلئے امریکا کے ساتھ ہیں، امریکا کیجانب سے سلامتی کی ضمانت کے بغیر یوکرین میں امن قائم نہیں ہو سکتا، امریکی صدر کی امن سے متعلق کوششیں قابل تعریف ہیں۔
