221
نوشہرہ: دارالعلوم حقانیہ اکوڑہ خٹک کی جامع مسجد میں نماز جمعہ کے دوران دھماکے سے متعدد افراد زخمی ہو گئے۔
نوشہرہ میں دارالعلوم حقانیہ اکوڑہ خٹک کی جامع مسجد میں نماز جمعہ کے دوران دھماکے کے نتیجے میں متعدد افراد زخمی ہو گئے۔
ڈی پی او نوشہرہ عبدالرشید کے مطابق امدادی ٹیمیں فوری طور پر جائے وقوعہ پر پہنچ گئیں۔ دھماکے میں جے یو آئی (س) کے سربراہ مولانا حامدالحق بھی زخمی ہوئے ہیں۔
مولانا حامد الحق کے بیٹے، ثانی حقانی نے تصدیق کی کہ دھماکے کے وقت مسجد میں سیکڑوں نمازی موجود تھے۔ ابتدائی اطلاعات کے مطابق دھماکے میں 4 سے 5 افراد جاں بحق جبکہ درجنوں زخمی ہوئے ہیں۔
سینٹرل پولیس آفس پشاور کا کہنا ہے کہ مدرسہ حقانیہ اکوڑہ خٹک میں یہ دھماکا نماز جمعہ کے بعد ہوا، اور اس کی نوعیت جاننے کے لیے تحقیقات جاری ہیں۔
