مکہ میں کبریٰ خان کی رخصتی کی ویڈیو سوشل میڈیا پر وائرل

پاکستانی اداکارہ کبریٰ خان اور گوہر رشید کے نکاح کے بعد مکہ مکرمہ میں رخصتی کی دلکش ویڈیو منظر عام پر آ گئی، جسے ایک فوٹوگرافر نے انسٹاگرام پر شیئر کیا۔

ویڈیو میں دیکھا جا سکتا ہے کہ مسجد الحرام میں نکاح کے بعد کبریٰ خان کو قرآن مجید کے سائے میں ان کے اہل خانہ نے گوہر رشید کے ساتھ رخصت کیا۔ اس موقع پر ایک سادہ مگر پروقار تقریب منعقد کی گئی، جس میں دونوں کے اہل خانہ اور قریبی رشتے دار شریک ہوئے۔

یہ بھی پڑھیں

دلچسپ بات یہ ہے کہ کبریٰ خان نے روایتی دلہنوں کی طرح سرخ جوڑا نہیں پہنا، جبکہ گوہر رشید بھی عام دولہا کے لباس میں نظر نہیں آئے۔

یہ ویڈیو سوشل میڈیا پر تیزی سے وائرل ہو رہی ہے، اور مداحوں کی جانب سے جوڑے کے لیے نیک تمناؤں اور دعاؤں کا اظہار کیا جا رہا ہے۔

واضح رہے کہ نکاح اور رخصتی کے بعد ایک روز قبل قوالی نائٹ کا انعقاد بھی کیا گیا تھا، جس میں خاندان کے افراد کے علاوہ شوبز انڈسٹری کی مشہور شخصیات نے بھی شرکت کی۔