کالاباغ، سربراہ عوام پاکستان پارٹی و سابق وزیراعظم شاہد خاقان عباسی کا کہنا ہے کہ ملک کی بقاء اور سلامتی آئین پر عمل کرنے میں ہے۔
ماڑی انڈس میں سیرت کانفرنس سے خطاب کے دوران سربراہ عوام پاکستان پارٹی شاہد خاقان عباسی نے کہا کہ پاکستان کو آئین پر چلانے سے ہی معاملات حل ہوں گے، اگر ہم ملک کو آگے لیکر چلنا ہے ہمیں انصاف کی بنیاد فیصلے کرنا ہوں گے ،ملکی مسائل کا حل انتہائی آسان ہے آئین پر عمل کیا جائے۔
شاہد خاقان عباسی کا کہنا ہے کہ ہماری بدقسمتی ہے ہم آئین سے دور ہوچکے ہیں ، اللہ نے ہمیں ضابطہ حیات دیا اسی کی روشنی زندگی میں گزار کر ترقی کرسکتے ہیں، تمام آئینی عہدے دار آئین پاکستان پر حلف اٹھاتے ہیں، آج ہر کوئی سوال کرتا ہے ہمارا کیا بنے گا ، ملک کا کیا بنے گا ، ملک کی بقاء اور سلامتی آئین پر عمل کرنے میں ہے۔
سابق وزیراعظم نے کہا کہ پاکستانی قوم دنیا میں سب زیادہ خیرات کرنے والی قوم ہے ، ہماری بدقسمتی ہے ہم ٹیکس دینے سے انکاری ہوتے ہیں، فکری اختلافات کی ہماری دین کے نزدیک کوئی اہمیت نہیں ، مغربی ممالک میں غزہ کے معاملے پر بھرپور انداز میں آواز آٹھائی گئی۔
دوسری جانب وزیراعظم پاکستان شہباز شریف کا کہنا ہے کہ ایک سیاست دان کہتا تھا کہ شہباز شریف باہر پیسے مانگنے جاتا ہے میں پوچھتا ہوں کہ آپ کیا باہر پیسے بانٹنے جاتے تھے؟
ڈیرہ غازی خان میں جلسہ عام سے خطاب کے دوران شہباز شریف نے کہا کہ ڈیرہ غازی خان آکر خوشی ہوئی پرتپاک استقبال پر یہاں کے عوام کا مشکور ہوں، ترقی پاکستان کا مقدر بن چکی ہے پاکستان کی معیشت اب بہتری کی جانب گامزن ہے۔
