43
فیروزوالہ، تھانہ فیکٹری ایریا کے علاقہ جگھیاں سیالاں کے قریب ڈاکوؤں اور پولیس کے درمیان مقابلہ ہوا۔
ڈی پی او بلال ظفر شیخ کے مطابق مقابلہ میں ایک ڈاکو زخمی حالت میں گرفتار کر لیا گیا، 2 ڈاکو فرار ہونے میں کامیاب ہوگئے، ڈاکوؤں کی فائرنگ سے ایک راہگیر بھی زخمی ہوا۔
بلال ظفر شیخ کے مطابق ڈاکو راہگیروں کے ساتھ ڈکیتی کی واردات کر رہے تھے۔
پولیس وین کو دیکھ کر ڈاکوؤں کی جانب سے اندھا دھند فائرنگ شروع کر دی گئی، فرار ہونیوالے ڈاکوؤں کی فائرنگ سے راہگیر اور انکا ساتھی ڈاکو زخمی ہوا۔
ڈی پی او کا بتانا ہے کہ گرفتار ڈاکو کی شناخت عثمان ولد حضرت امین کے نام سے ہوئی ہے، ڈاکو کے قبضے سے لوٹا ہوا مال مسروقہ اور اسلحہ بھی برآمد ہوا۔
