صوابی، وفاقی وزیر انجینئر امیر مقام کا کہنا ہے کہ بیرون ملک مقیم پاکستانیوں نے بانی پی ٹی آئی کی کال کو مسترد کر دیا، اوورسیز پاکستانیوں نے ریکارڈ ترسیلات زر بھجوائیں۔
جلسے سے خطاب کے دوران وفاقی وزیر انجینئر امیرمقام کا کہنا ہے کہ عوام نے پی ٹی آئی کی انتشار کی سیاست کو مسترد کر دیا، بانی پی ٹی آئی نے گالم گلوچ کے کلچر کو پروان چڑھایا، عوام مسلم لیگ (ن) کی قیادت سے بہت محبت کرتے ہیں۔
امیر مقام کا کہنا ہے کہ ہم باتوں پر نہیں عملی اقدامات پر یقین رکھتے ہیں، ہماری قیادت نے ہمیں عوام کی خدمت کرنا سکھایا ہے، عوام کی خدمت کا بھرپور جذبہ رکھتے ہیں۔
وفاقی وزیر کا کہنا ہے کہ عوام کے تمام مسائل حل کریں گے، خیبرپختونخوا کی حکومت نے عوام کے مسائل حل نہیں کیے۔
امیر مقام کا کہنا ہے کہ ن لیگ تعمیر و ترقی کا دوسرا نام ہے، وزیراعظم پاکستان شہباز شریف نے ملک کو ڈیفالٹ سے بچایا، حکومتی اقدامات کی بدولت مہنگائی میں نمایاں کمی ہوئی ہے۔
دوسری جانب سپریم کورٹ کے سینئر ترین جج جسٹس منصور علی شاہ کی جانب سے ہراسگی سے متعلق کیس میں فیصلہ سناتے ہوئے کہا گیا کہ ورک پلیس پر ہراسگی عالمی مسئلہ ہے۔
سپریم کورٹ کی جانب سے ہراسگی کیس میں لاہور ہائیکورٹ کےفیصلے پر ڈرائیور محمد دین کی اپیل مسترد کردی گئی۔
