دبئی، بھارت کی معروف اداکارہ راکھی ساونت کی جانب سے اعلان کیا گیا ہے کہ وہ ذاتی خرچ سے 20 افراد کو عمرے کی سعادت حاصل کرنے کے لیے بھیج رہی ہیں۔
معروف بالی ووڈ اداکارہ راکھی ساونت نے اپنے ویڈیو پیغام میں بتایا کہ وہ 10 پاکستانی اور 10 بھارتی شہریوں کو عمرے پر بھیج رہی ہیں، راکھی ساونت کا بتانا تھا کہ وہ ہر سال اپنی آمدنی کا ایک مخصوص حصہ جنوبی ایشیا میں انسانی فلاح و بہبود کے کاموں کے لئے وقف کریں گی، چاہے ان کا تعلق کسی بھی مذہب یا پس منظر سے ہو۔
بالی ووڈ کی اداکارہ اس وقت دبئی میں مقیم ہیں اور وہیں سے منتخب افراد کو عمرے پر روانہ کر رہی ہیں، اس موقع پر انہوں نے عمرے پر جانے والوں میں کھانا اور احرام بھی تقسیم کئے۔
راکھی ساونت نے اپنے ویڈیو پیغام میں کہا کہ یہ پہلی بار ہے کہ میں لوگوں کو عمرے پر بھیج رہی ہوں، اس لئے تھوڑی نروس بھی ہوں، بس اللہ تعالیٰ میرے اس نیک کام کو قبول فرمائے۔
یاد رہے کہ راکھی ساونت ایک بھارتی اداکارہ، ماڈل اور ڈانسر ہیں جو زیادہ تر بالی ووڈ، ٹیلی ویژن اور ریئلٹی شوز میں اپنے متنازع بیانات اور بولڈ انداز کی وجہ سے معروف ہیں۔
یادر ہے کہ سوشل میڈیا پر پاکستانی مفتی قوی اور بھارتی اداکارہ راکھی ساونت کے نکاح کے حوالے سے خبریں زیر گردش ہیں۔
View this post on Instagram
