42
اسلام آباد، وفاقی وزیر منصوبہ بندی وترقی احسن اقبال کا کہنا ہے کہ معاشی استحکام کے لیے زرعی شعبے کی ترقی ناگزیر ہے۔
تقریب سے خطاب کے دوران وفاقی وزیر منصوبہ بندی و ترقی احسن اقبال نے کہا کہ زراعت کا ملکی معیشت میں اہم کردار ہے، معاشی استحکام کیلئے زرعی شعبے کی ترقی ناگزیر ہے۔
احسن اقبال کا کہنا ہے کہ ملکی ترقی کے لیے پالیسیوں کا تسلسل ضروری ہے، ہماری حکومت نے ملکی ترقی کا وژن دیا۔
وفاقی وزیر منصوبہ بندی و ترقی کا کہنا ہے کہ ہم نے سیاست کے بجائے ریاست کو ترجیح دی، حکومت نے بروقت اقدامات سے ملک کو دیوالیہ ہونے سے بچایا۔
دوسری جانب اسپیکر قومی اسمبلی کی جانب سے اسلام آباد ہائیکورٹ کے جج کے ریمارکس کو پارلیمنٹ پر حملہ قرار دیدیا گیا۔
اسپیکر قومی اسمبلی ایاز صادق نے اسمبلی اجلاس کے دوران اسلام آباد ہائیکورٹ کے جج کے ریمارکس پر رولنگ دیتے ہوئے کہا کہ جج کا بیان پارلیمنٹ پر حملہ ہے، کسی کو پارلیمنٹ کے بارے میں بیان بازی کاحق نہیں ہے۔
