56
اسلام آباد، قومی اسمبلی میں اپوزیشن لیڈر عمر ایوب کی جانب سے عام انتخابات 2024 اور 26 ویں ترمیم کا معاملہ عالمی مالیاتی فنڈ (آئی ایم ایف) کے وفد کے سامنے اٹھانے کا اعلان کر دیاگیا۔
اپنے ایک بیان میں رہنما پی ٹی آئی عمر ایوب نے کہا کہ آئی ایم ایف وفد کی جوڈیشل کمیشن ملاقات میں ہم اپنا مؤقف پیش کریں گے، الیکشنز میں جو ہوا ہے وہ سارا معاملہ آئی ایم ایف وفد کے سامنے رکھیں گے۔
عمر ایوب کا کہنا ہے کہ 26 ویں ترمیم سے جو مسائل پیدا ہوئے اس بارے بھی آئی ایم ایف وفد کو آگاہ کیا جائے گا۔
دوسری جانب وزیراعلیٰ پنجاب مریم نوازکا کہنا ہے کہ پی ٹی آئی نے 4 سالہ دور اقتدار میں ایک دھیلے کا کام نہیں کیا۔
وزیراعلیٰ پنجاب مریم نواز کی جانب سے جشن سٹیم میں شرکت کی گئی اور طلبہ میں انعامات تقسیم کیے گئے، سکول کے بچوں نے وزیراعلیٰ مریم نواز سے اپنے سکول یونیفارمز پر دستخط کرائے۔
