لاہور، ستوکتلہ پولیس کی جانب سے طالبہ کو شادی کا جھانسہ دیکر زیادتی کرنیوالے ملزم کو حراست میں لیا گیا۔
ایف آئی آر میں بتایا گیا ہے کہ میڈیکل کالج کی طالبہ کو جنسی درندگی کا نشانہ بنا کر فحش ویڈیو بنا کر میڈیکل اسٹور بنانے کیلئے 18 لاکھ روپے بھی ہتھیا لیے، سرگودھا کے رہائشی کی بیٹی لاہور میں نجی یونیورسٹی میں میڈیکل کی تعلیم حاصل کرنے آئی تھی۔
ایف آئی آر میں بتایا گیا ہے کہ جہاں اسکی کلاس فیلو عمر نامی نوجوان سے دوستی ہوگئی، عمر نے اپنی کلاس فیلو کو شادی کا جھانسہ دیکر متعدد بار جنسی درندگی کا نشانہ بنایا، ملزم عمر نے طالبہ کی فحش ویڈیو بنالی اور میڈیکل اسٹور بنانے کے لیے 18 لاکھ روپے بھی ہتھیا لیے۔
تھانہ ستوکتلہ میں متاثرہ لڑکی کی مدعیت میں مقدمہ درج کیا گیا، ڈی آئی جی آپریشنز لاہور کی جانب سے واقعے کا نوٹس لے لیا گیا۔
ایس پی صدر ڈویژن ڈاکٹر غیور احمد خاں کی نگرانی میں ایس ایچ او ستوکتلہ ہاشم افتخار بھٹی کی جانب سے زیادتی کے ملزم عمر کو حراست میں لے لیا گیا ہے۔
ایس ایچ او ستوکتلہ نے یہ بتایا کہ ملزم کو جدید ٹیکنالوجی سمیت ہیومین انٹیلیجنس کی مدد سے گرفتار کیا گیا، ملزم سے مزید تفتیش جاری ہے۔
