55
کراچی، بچوں کو پولیو کے قطرے نہ پلانے پر 4 افراد کو حراست میں لیا گیا ہے۔
پولیس کا بتانا ہے کہ گلشن اقبال میں بچوں کو پولیو کے قطرے نہ پلانے پر مبینہ ٹاؤن تھانے میں 4 افراد کے خلاف مقدمہ درج کرلیا گیا۔
پولیس کے مطابق مقدمے کے اندراج کے بعد 4 افراد کوحراست میں لیا گیا ہے، جن میں 3 بھائی بھی شامل ہیں۔
پولیس کا بتانا ہے کہ سرکار کی مدعیت میں درج مقدمے میں دہشتگردی سمیت دیگر دفعات شامل کی گئی ہیں۔
یاد رہے کہ گزشتہ روز گلشن اقبال میں پولیو سے بچاؤ کے قطرے پلانے سے انکارپر جھگڑا ہوا تھا اور اس دوران پولیس کانسٹیبل کی یونیفارم پھٹ گئی تھی۔
