لاہور، پاکستان تحریک انصاف، سول سوسائٹی اور صحافتی تنظیم کی جانب سے پیکا ترمیمی ایکٹ 2025 کو لاہور ہائیکورٹ میں چیلنج کردیا گیا۔
اپوزیشن لیڈر پنجاب اسمبلی ملک احمد بھچر سمیت دیگر کی جانب سے اظہر صدیق ایڈووکیٹ کے توسط سے درخواست دائر کی گئی، دائر درخواست میں صوبائی حکومت، چیف سیکرٹری سمیت دیگر کو فریق بنایا گیا ہے۔
درخواست میں مؤقف اپنایا گیا کہ پیکا ترمیمی ایکٹ آئین کے آرٹیکل 19 اے کی خلاف ورزی ہے، پیکا ترمیمی ایکٹ میں فیک نیوز کی تعریف نہیں بتائی گئی، اس ایکٹ کی آڑ میں ہر خبر کو فیک نیوز بنا کر سیاسی بنیادوں پر کارروائیاں ہوں گی۔
درخواست گزاروں کے مطابق پیکا ترمیمی ایکٹ کے تحت صحافیوں کو خبر کا سورس بتانا پڑے گا، صحافی سے خبر کا سورس نہیں پوچھا جا سکتا۔
درخواست میں استدعا کی گئی کہ لاہور ہائیکورٹ پیکا ترمیمی ایکٹ کو آئین سے متصادم قرار دے کر کالعدم قرار دے، عدالت درخواست کے حتمی فیصلے تک پیکا ترمیمی ایکٹ کے تحت کارروائیوں کو روکنے کا حکم دے۔
دوسری جانب سابق وزیراعظم آزاد جموں کشمیر سردار تنویر الیاس کا کہنا ہے کہ مقبوضہ جموں کشمیر بارے آرمی چیف جنرل سید عاصم منیر کے بیان کا خیر مقدم کرتے ہیں۔
