واشنگٹن، امریکی صدر ڈونلڈ ٹرمپ کا کہنا ہے کہ غزہ کا کنٹرول سنبھالنے اور تعمیر نو کے امریکی منصوبے پر عمل درآمد میں کوئی جلدی نہیں۔
واشنگٹن میں گفتگو کے دوران امریکی صدر ڈونلڈ ٹرمپ کی جانب سے یو ایس ایڈ کو بند کرنے کا حکم دے دیاگیا، اگلے ہفتے کئی ممالک پر جوابی ٹیرف نافذ کرنے کا بھی اعلان کر دیا۔
غیر ملکی میڈیا کا بتانا ہے کہ ادارے کے زیادہ تر اہلکاروں کو جبری رخصت پر بھیجنے کی تیاریاں مکمل کر لی گئی ہیں۔
وائٹ ہاؤس کے مطابق امریکی صدر ڈونلڈ ٹرمپ روسی صدر ولادیمیر پیوٹن سے بات چیت کیلئے خواہش مند ہیں، شمالی کوریا سے تعلقات قائم کرنے کا عندیہ بھی دے دیا، شمالی کوریا رہنما سے اچھے تعلقات بناتا ہوں تو سب کیلئے فائدہ مند ہوگا۔
ڈونلڈ ٹرمپ نے کہا کہ چین کی معاشی جارحیت کے مقابلے کیلئے امریکا جاپان تعاون کریں گے، تیل اور گیس معاہدوں کے ذریعے جاپان کے ساتھ تجارتی خسارے کا معاملہ حل کرنا چاہتے ہیں۔
وائٹ ہاؤس کے مطابق ٹرمپ نے ایلون مسک کو پینٹاگون کے اخراجات کی تفصیلات چیک کرنے کے احکامات دے دیئے، امریکی صدرنے انسانی حقوق کی خلاف ورزیوں سے نمٹنے کیلئے ایگزیکٹو آرڈر پر سائن کر دیئے۔
دوسری جانب روسی شہر بیریزوسکی کے میئر حیران کن طور پر حالیہ بلدیاتی انتخابات میں ایک ایسے امیدوار سے ہار گئے جو ان کے ڈرائیور کی بیوی تھیں جن کا نام یولیا مسلاکووا ہے۔
