44
لاہور، چیئرمین پاکستان کرکٹ بورڈ (پی سی بی) محسن نقوی کی جانب سے انکشاف کیا گیا ہے کہ سلیکشن کمیٹی چیمپئنز ٹرافی اسکواڈ کو ریویو کررہی ہے۔
لاہور میں غیر رسمی گفتگو کے دوران محسن نقوی کا کہنا ہے کہ سلیکشن کمیٹی کو اختیار ہے وہ چیمپئنز ٹرافی کے قومی سکواڈ میں تبدیلی کرتے ہیں یا نہیں۔
محسن نقوی نے کہا کہ سلیکشن کمیٹی چیمپئنز ٹرافی کا سکواڈ ری ویویو کر رہے ہیں، خوشدل شاہ اور فہیم اشرف کو نیک نیتی سے سکواڈ کا حصہ بنایا گیا۔
دوسری جانب فیفا کی جانب سے پاکستان فٹبال فیڈریشن (پی ایف ایف) کی رکنیت پھر معطل کردی گئی۔
فیفا کے جاری بیان میں یہ بتایا گیا ہے کہ پاکستان فٹبال فیڈریشن کو فوری طور پر معطل کر دیا گیا ہے کیونکہ پی ایف ایف اپنے آئین میں وہ ترامیم شامل کرنے میں ناکام رہی جو شفاف اور جمہوری انتخابات کو یقینی بنانے اور فیفا کے طے شدہ اصولوں کے مطابق پی ایف ایف کی نارملائزیشن کا عمل مکمل کرنے میں اہم کردار ادا کرتیں۔
