43
ہسپانوی شکاری نے دوسرا نان ایکسپورٹ ایبل مارخور کا شکار کرلیا۔
چترال کے علاقے مولن گول میں ہسپانوی شکاری کی جانب سے دوسرا نان ایکسپورٹ ایبل مارخور کا شکار کرلیا گیا۔
چترال گول نیشنل پارک کے ڈی ایف او رضوان اللہ یوسفزئی کا بتانا ہے کہ ہسپانوی شکاری گیرواسیو نیگریٹ فرانکو کی جانب سے مولن گول کے علاقے میں 45 انچ ٹرافی کے مارخور کا شکار کیاگیا۔
ہسپانوی شکاری نے 42500 ڈالرز فیس ادا کرکے یہ شکار کیا، ڈی ایف او کے مطابق شکار کی فیس سے حاصل یہ رقم مقامی آبادی پر خرچ کی جائے گی۔
ہسپانوی شکاری کا کہنا تھا کہ مارخور کا چمڑا اور سینگ خیبرپختونخوا حکومت اور وائلڈ لائف ڈیپارٹمنٹ کی ملکیت ہوں گے۔
واضح رہے کہ مارخور پاکستان کا قومی جانور اور پاکستان کی خفیہ انٹیلی جنس ایجنسی کا نشان ہے۔
