19
خیبرپختونخوا حکومت نے رمضان المبارک کے پیش نظر میٹرک اور انٹرمیڈیٹ کے سالانہ امتحانات ملتوی کر دیئے۔
صوبائی حکومت کی جانب سے تمام تعلیمی بورڈز کو امتحانات رمضان کے بعد اپریل میں لینے کی ہدایات جاری کی گئی ہیں۔
ترجمان پشاور تعلیمی بورڈ کے مطابق امتحانات ملتوی کرنے کا مقصد رمضان کے دوران طلبہ کو سہولت دینا ہے یہ امتحانات ماہ رمضان کے بعد لیے جائیں گے، واضح رہے کہ کے پی کے میں میٹرک کے سالانہ امتحانات 5 مارچ کو شیڈول تھے۔
تاہم اب التوا کے بعد میٹرک کے سالانہ امتحانات اب 8 اپریل کو شروع ہوں گے، جبکہ انٹرمیڈیٹ کے امتحانات 10 اپریل کے بجائے 7 مئی کو شروع ہوں گے۔
چیئرمین پشاور بورڈ نصراللہ خان کے مطابق امتحانات ملتوی کرنے کا اعلامیہ تمام تعلیمی بورڈز کے چیئرمین کے اجلاس میں اسی ہفتے جاری کر دیا جائے گا۔