جمہوریت، صوبائی خودمختاری اور امن کے لئے ہر قربانی دیں گے، ایمل ولی خان

تازہ ترین خبروں اور تبصروں کیلئے ہمارا وٹس ایپ چینل جوائن کریں

کرک، مرکزی صدر اے این پی سینیٹر ایمل ولی خان کا کہنا ہے کہ جمہوریت، صوبائی خودمختاری اور امن کے لئے ہر قربانی دیں گے۔

خیبر پختونخوا کے ضلع کرک میں جلسہ سے خطاب کے دوران ایمل ولی خان نے کہا کہ ہر بار عوامی نیشنل پارٹی کا الیکشن میں کبھی آر ٹی ایس تو کبھی بھاری پیسوں کے عوض راستہ رکا جاتا ہے، صوبہ خیبر پختونخوا میں ریاستی رٹ تقریباََ ختم ہوچکی ہے۔

latest urdu news

ایمل ولی خان نے کہا کہ بانی پی ٹی آئی منتوں پر اتر آیا ہے، جلد پیر پڑنے والا ہے، 9 مئی کا فیصلہ جلد آنے والا ہے اس میں بھی عمران خان کو سزا ہوگی۔

مرکزی صدر اے این پی نے کہا کہ دہشتگری کا خاتمہ ضروری ہے، ورنہ حالات پھر 2007 جیسے بنتے جارہے ہیں، حکومت سنجیدگی کا مظاہرہ کرکے نیشنل ایکشن پلان پر سو فیصد عمل درآمد کریں، ہماری لڑائی مذہب کی نہیں بلکہ وسائل اور حقوق کی جنگ ہے۔

ایمل ولی خان کا کہنا ہے کہ اپنے 3 نکات جمہوریت، صوبائی خودمختاری اور امن کے لئے ہر قربانی دیں گے، ہمیشہ میڈیا کی آزادی کی بات کی ہے، پیکا ایکٹ کی بھر پور مخالفت کی مگر حکومت نے پاس کیا، پیکا ایکٹ میں ترمیم میڈیا کی خودمختاری پر وار ہے۔

دوسری جانب نیشنل الیکٹرک پاور ریگولیٹری اتھارٹی (نیپرا) کی جانب سے مہلک حادثات سے بچاؤ کیلئے ناکافی اقدامات پر مختلف کمپنیوں پر جرمانے کردیے گئے۔

شیئر کریں:
frontpage hit counter